Kontakte epi jwenn envestisè ki dispoze pou sipòte lide biznis ou, pou ede w transfòme rèv antreprenarya ou yo an reyalite atravè finansman ak patenarya serye ki bay opòtinite pou kwasans.
MANDE LAJANNou vle sipòte antreprenè ki gen lide ak antrepriz ki fè yon gwo diferans nan jaden biznis ak sosyete Ayisyen an. Nou konsantre sou transfòme resous nou genyen isit la nan peyi a epi ki poko eksplwate.
Nempòt kote depi w se antrepriz Ayisyen, espesyalman en Ayiti, Etazini, Kanada, Lafrans, Chili, Ajantin, Brezil ak Espay.
Depi premye rive nan dènye etap yo. Lè nou di premye etap yo, nou vle di depi kòmanse nan lide oswa konsèp la
Montan envestisman nou yo varye ant US$5,000 ak $12 000 000,00 selon etap ak aktivite konpayi an ap devlope a.
Nou apiye tout sektè, men nou bay priyorite sou komès elektwonik, agrikilti, transpò, sante, medya, finans ak edikasyon.
ENVÈSTISÈ YO PRAN AKSYON NAN KONPAYI OU A LÈ YO ENVESTI LADAN N
Nou ede nempòt B2B, B2C, D2C ak B2G depil gen pou wè ak sektè nou apiye yo, tankou: komès elektwonik, sante, agrikilti, edikasyon, transpò, medya, telekominikasyon, touris, imobilye ak tout lòt sektè ki montre gen anpil opòtinite pou fè siksè epi ki ka chanje lavi anpil moun.
Modèl revni an vle di estrateji biznis la itilize pou vann sèvis la epi fè lajan. Nan CIDEH, nou valorize tout men nou prefere modèl abònman, sèvis freemium, modèl piblisite, premium, freemium. Si w ap chèche konekte ak mache entènasyonal, nou patikilyèman mete aksan sou plas mache an liy, abònman, suscription primwioum ak frimwioum.
60% nan fon yo ap sèvi pou apiye antreprenè ayisyen ki baze an Ayiti. Yon lòt 30% ap sèvi pou apiye biznis ki dirije pa dyaspora Ayisyèn nan. Rès 10% ki rete a pral ale nan konpayi etranje ki gen anpil siksè e ki montre yon gwo potansyèl de benefis yon fason pou n divèsifye bagay yo. Nou dwe pratike sa n preche yo.
Nou prè pou n sipòte tout fondatè ak kreyatè biznis nan sektè ki pa devlope epi ki pa gen ase finansman nan peyi a men ki kache anpil opòtinite pou bay anpil randman fasilman epi rapidman nan mache Ayiti a epi atravè lemond. Lòt bagay nou fikse sou li se aspè ESG a: non sèlman antrepriz la dwe ekonomikman rantab, li dwe gen enpak pozitif nan anviwònman an, li gen empak pozitif nan sosyete a epi li kontribye nan bon gouvènans.
Kritè sa yo empòtan nan tout endistri finansman antreprenarya nan mond la. Lè nou aplike yo an Ayiti, gen bagay nou adapte a reyalite a. Sa vle di, nou pap twò rijid ni estrik sou tout men, tout antrepriz yo ap pase anba yon analiz trè serye e pwofon anvan nou chwazi yo.
Nou apiye biznis ki gen potansyèl pou grandi rapidman nempòt kote nan peyi a epi ki ka develope e rantab nan nivo entènasyonal.
Pwoblèm nan ak opòtinite mache a dwe gwo anpil ou ase pou jistifye yon gwo envestisman. Tout envestisè renmen sa.
Ni biznis la, ni pwodwi ak sèvis la dwe ofri yon bagay nouvo. Fòk li siyifikativman pi bon pase tout altènativ ki la deja yo.
Nou envesti dabò nan moun ak ekip ki divès. Se pa ide yo sèlman ki enpòtan; se moun ki dèyè yo a. Sil gen plis pase 1 moun, se sa nèt.
Nou rele sa traksyon: si w gen itilizatè deja, revni, pwogram pilòt, oswa nenpòt siy ke pwodwi a mache, sa ogmante kredibilite.
Biznis la dwe gen yon fason byen defini pou jenere lajan, menm si li poko pwofitab. Li dwe satisfè ekspektativ ekonomik yo.
Konpayi an dwe aliyen ak apwòch envestisman nou an: jewografi, modèl biznis, sektè ak endistri, modèl revni, nasyonalite, etc.
Li enpòtan anpil pou antrepriz la genyen ayisyen ladann epi l gen objektif pou develope ayiti. Kondisyon sa pa negosyab.
KOUNYE A SE MOMAN PARFÈ A POU KANSE BIZNIS OU A
